يا قلب لا تنبض !!!!

ياقلب لاتنبض بعد طلعـة الـروح
ياكيف تنبض دام ودّعت روحي !!

البارحه عين الشّقا دمعـه اسفـوح
تبكي وداع كفوف هجـر ٍ تلوحـي

بالقلب من ما حلّ تسعيـن ذابـوح
وبالكبد من ماصار نـار ٍ تفوحـي

حلم ٍ وتفسيره غرابيـل واتْـروح
حلم ٍ فضح سـرّي وبيّنْـه بوحـي

يامْوادعي مسموح مسموح مسموح
عسى السّعد لك وين وجهك يروحي

حظي من اوّل خطّت العمْر مطروح
ماذْكرْه حقّق لي قليـل الطّموحـي

لا لا يهمّك وان بهـا زلّ مدمـوح
مدموح حتى لو طفى منْك ضوحي

واودّعك سـر ٍ رسمنـاه باللّـوح
خلّـه فبالـك لاتبيّـن فضوحـي

خلّه كما الذّكرى ليا جـاك لافـوح
لافوح ضيق ٍ زاح عنْك الفروحـي

اذكر مهام بلحظتك عاش مشفـوح
واذكر سوالفنا وذيـك المزوحـي

مع السلامه حبرهـا دم مجـروح
خطيتها لك قبـل فـجّ الصبوحـي

صح بدنك
مشكورين على المرور الطيب